КАНЦЭРТ КЛАСIЧНАЙ МУЗЫКI №55

Гэтым разам у нашым канцэрце прагучыць беларуская вакальная музыка XIX-XX стагоддзяў. С.Манюшка, Д. Лукас і Г. Пукст. Кампазітары, якія напоўняць сваімі гукамі нашую залю. Для таго каб была магчымасць параўнаць і ўявіць на хвіліну, як бы гучаў Роберт Шуман, нарадзіся ён на Беларусі, таксама будзе выкананы яго адзін з самых вядомых вакальных цыклаў «Dichterliebe» , Op. 48. Гэты цыкл будзе гучаць на беларускай мове, як і ўсе астатнія п’есы нашага канцэрту. Гэта выдатная магчымасць убачыць з боку наша мастацтва мінулых стагоддзяў і павярнуць нязвыклай гранню брыльянт заходнееўрапейскай вакальнай музыкі.