ЛЯСНЫ ТЭАТР У VILIYA PARK

У гэтую суботу, 30 жніўня,  запрашаем вас у Лясны тэатр.

Саша і Дзіма будуць чытаць «Пераменлівыя настроі Іпаліта Шланга» Раксаны Енджэеўска-Врубель.

Кніга нібыта дзіцячая, але яна кране і дарослых. Падзеі, у якія на роўным месцы трапляюць яе героі, — сабака Іпаліт Шланг і кот Алаізій Кацялок — здараюцца з кожным з нас. Часам і мы шукаем свой згублены настрой, падманваем памяць, дзелімся марамі і ставім сабе непатрэбныя мэты.